الوقائع الإخبارية: أوضحت الفنانة نشوى مصطفى، أن الدولة تمر ببعض الظروف الصعبة، التي يجب على كل مواطن أن يساندها في محنتها، مشيدةً بدور الجهات المختصة في التصدي للأخطار الخارجية التي تتعرض لها البلاد.

وكتبت نشوى منشوراً، عبر حسابها الرسمي بموقع التواصل الاجتماعي "فيسبوك”، قائلة: "احنا في حالة حرب، واللي مايكونش فى ضهر بلده يبقى مايستحقش يعيش على ترابها، واللى مش شايف إننا بنتجر علشان ندخل حرب، يبقى يركز ويشوف”.

وتابعت: "أوعو يخيل عليكم أن فلان بيتودد، وعلان عايز يتصالح، وترتان بيعزمنا على الغدا، بيكيدوا لبلدى واضحة زي الشمس، وبيطلقوا كلابهم علينا عند المنبع.. سلاحنا ضد كل الأعادي إننا نبقى إيد واحدة، وأننا نبقى فى ضهر رمز مصر، رئيسنا اللي بيجاهد يحافظ على بلدنا، اللي كانت بتتباع من سينا لحلايب وشلاتين”.

وأردفت: "بلدنا اللي معرفوش يقسموها قبلى وبحرى مسيحيين ومسلمين، لو سيادته معملش حاجة غير أنه خلانا مستورين جوه وطن عايشين في قلبه مش على حدوده يبقى الحمد لله.. صحيح كل ده كان بتمن غالي.. وإوعوا تفتكروا أن التمن الغالي هو سعر البنزين ولا الكهربا ولا سعر البامية والملوخية، التمن الغالى هو دم عيالنا”.

واستكملت: "رجالتنا اللي استشهدوا على إيد الانجاس علشان بناتنا يتصان عرضهم جوه وطن، ليه بقول الكلام ده دلوقتى؟؟، علشان اللي حصل النهارده ماكنش يصح يحصل، بلدنا كبيرة أوي أوي المفروض إننا ندعم ونسند ده”.

واختتمت: "إحنا القوى الناعمة، احنا اللي بنفضح خططهم، مينفعش نكون خطوة بتدعمهم.. تحيا مصر ببركة الأولياء المدفونين فيها، والأنبياء اللي مشيو على أراضيها”.