الوقائع الإخبارية: كشفت الفنانة ياسمين رئيس، عن كيفية التوفيق ما بين حياتها المهنية والزوجية، قائلة: «دايما بقول إني مش عاوزة أحس إن مهنتي ممثلة، عاوزة أحس إني بمارس هوايتي، دايما بقولهم أنا ست بيت وبعدين ممثلة، يمكن شخصيتي مكنتش كدة في الأول، وبحس كل فترة تفكير الواحد بيتغير وشخصيته، أنا بحس كل 5 سنين تفكيري بيتغير».

أنا ست بيت بعد كدة ممثلة
وأضافت «رئيس»، خلال تصريحات تلفزيونية، «التمثيل بالنسبة ليا مش مهنة، لكن مهنتي الأصلية هي ست وأم، شكلي مش بيبان عليه لكن دة إحساسي».

الستات أصعب من الرجالة
وواصلت: «كل راجل له مفتاح غير التاني، مفيش مفتاح بيفتح على كله، دة لو فيه مفتاح، الستات أصعب من الرجالة، الراجل بسيط، وبعد ما خلفت ولد بقت بتصعب عليا الرجالة، الرجالة غلابة والله».

فيه ستات قلبها في ودنها.. وفيه اللي بتحب الأفعال
واستكملت: «مقدرش أقول مفتاحي كده على الهواء، مينفعش، بس فيه ستات بيحبوا الكلام، قلبها في ودنها، بتحب تسمع كلام حلو، وفيه ستات بتشوف الكلام لوحده مش كفاية عاوزة تشوف أفعال».

ياسمين رئيس: دينا الشربيني أختي
وعن الأعمال الدرامية التي نالت إعجابها خلال موسم رمضان الماضي، قالت ياسمين رئيس، إنها شاهدت الكثير من الأعمال، منها «خلي بالك من زيزي» و«قصر النيل»، مردفة: «دينا الشربيني حبيبتي ولازم أتفرج وأقولها على رأيي، أحنا أصحاب من زمان جدا، من قبل التمثيل ولغاية دلوقتي أصحاب جدا، دينا أختي، وماما لما اتوفت كانت هي معايا في كل حاجة، في جوازي ووفاة أمي، وأنا وقفت معاها في حاجات كتير بس هي تقول عليها».

دلال عبدالعزيز فكرتني بأمي
وعن علاقتها مع الفنانة الراحلة دلال عبدالعزيز، قالت: «ست لا تعوض وعاشرتها في وقت تصوير (ملوك الجدعنة) هي في قلبي وهتوحشني كتير، طول الوقت كانت بتفكرني بماما معرفش لية، حنينة أوي».