الوقائع الإخبارية عبر الفنان المصري تامر حسني عن سعادته وامتنانه للنجاح الذي حققه ووصل إليه اليوم. كاشفاً عن حلم طفولته الذي طالما حلم به. وهو الآن يعيشه عبر مقطع فيديو نشره عبر حسابه على إنستغرام.

ويظهر الفيديو تامر حسني وهو يسير بين عشرات الأيادي الممتدة نحوه من محبيه للمسه والسلام عليه.

معبراً عن تمتعه باللحظات اللطيفة مع جمهوره وهو يحييهم ويمر بينهم وكتب تعليقاً قال فيه: "المشهد دا كان أكتر مشهد بحلم بيه من وأنا صغير. تقريباً كنت بشوفه كل شهر بأشكال مختلفة. وكنت بسأل نفسي طب يارب انا هتشهر بالشكل دا والناس هتحبني كدا في أي مجال. عشان ساعتها كنت بلعب كرة بس كان عندي إصابات كتير بدري على سني ومشاكل مع بعض المدربين. اللي مقتنع بيا واللي مش مقتنع بيا فا بيخليني احتياطي موسم كامل ودا شيء محبط لإني كنت مصنف لاعب مهاراتي كويسة”.

وأضاف: "الموضوع دا اتكرر معايا في الزمالك والأهلي والإتنين استغنوا عن خدماتي. يعني زي ما تقولوا كدا في ظروف كانت بتتجمع عشان أفهم أن الكره مش مستقبلي رغم تعلقي بها الجنوني.

بس أتاري ربنا كان كاتبلي مستقبل تاني و أفضل ليا بس عرفت دا. لما دورت جوه نفسي بجد بمساعدة أول معجب ليا أول fan في حياتي و الوحيد اللي كان مصدقني وهي أمي”.

وتابع تعليقه: "يعني مهم أوي أنك تدور جوه نفسك عشان لازم هتلاقي ربنا مخلقكش فاضي. واتمنى من الأهل انهم يركزوا مع ولادهم في أصغر سن ليهم.

ويفضلوا دايماً يكلموهم عن الحلم والطموح والنجاح.. بكتب الكلام دا وواثق مليون في الميه أن فيكم حد محتاج يسمعه وكان مستنيه. الإشاره جت اهي مالكش او ملكيش حجة”.

وتفاعل الجمهور بشكل واسع مع كلمات حسني النابعة من القلب وتجاربه في الحياة الصعبة وإصراره دائماً على منح الشبان الأمل والايجابية للبحث عن أحلامهم وطموحاتهم والوصول إليها وتحقيقها