الوقائع الاخبارية : حرص الفنان تامر حسني على توجيه رسالة دعم لنجل الفنان محمد ثروت بعد إعلان إصابته بمرض "ميلر فيشر” وهو أحد الأمراض المناعية النادرة.

ونشر تامر عبر خاصية الستوري في حسابه على إنستغرام صورة لابن الفنان محمد ثروت وعلق عليها "أحمد ثروت صديقي وابن الفنان الغالي أوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا أنه يصاب بمرض نادر يأثر على رجله وميمشيش”

تابع كلامه: "وكان بيحضر لزواجة، وفي كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي .

وأنهى تامر رسالته بالتمني له بالشفاء العاجل حيث كتب "ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة الي انا شوفتها النهاردة وافرح معاك في فرحك قريب ان شاء الله، ادعوله معايا يا شباب ربنا يشفيه ويشفي كل مريض”