الوقائع الاخبارية:خلال لقائها في برنامج "معكم" الذي تقدّمه الإعلامية منى الشاذلي على قناة cbc، كشفت الفنانة ناردين فرج أسباب خوفها من العمل في مسلسل "صوت وصورة"، الذي عُرض أخيراً وحقق نجاحاً كبيراً، موضحةً أنها كانت تخشى تجسيد شخصية المحامية "ماجدة علوان".

وأضافت أنها في البداية رفضت تقديم هذا الدور حتى لا يكرهها الجمهور، قائلةً: "لما كلّمني المخرج محمود عبد التواب وقريت الدور لقيتها ست شريرة معندهاش أي ضمير فخوفت الناس تكرهني... وقلت له عمري ما تخيلت في حياتي أعمل دور زي ده".

وأشارت ناردين إلى أنها أحبّت طريقة "ماجدة علوان" في التعامل مع شخصيات المسلسل، لكنها خافت من جزئية الخيانة، حيث اتضح أنها متزوجة من زوج صديقتها التي تسعى لتبرئتها من القضية... بالقول: "الورق اتكتب وإحنا بنصوّر لذلك اتفاجئت إن "ماجدة" هتطلع متجوزة "عصام الصياد"... قلت مش معقول الست دي هتطلع دنيئة بالشكل ده ومعندهاش أي مبادئ لدرجة تخون صاحبتها... وقلت للمخرج لو نشيل حتة الخيانة دي... قالي لا أنا عايز الناس تكره الشخصية خالص".

وكشفت ناردين تفاصيل دخولها مجال العمل الإذاعي، موضحة أنها تخرّجت في كلية التجارة بجامعة الإسكندرية، ثم تزوجت وانتقلت للعيش في القاهرة.

وأضافت أنها كانت تستمع دوماً للإذاعة وتتمنى لو أنها من مذيعيها، فقررت دخول هذا المجال، وتواصلت مع مسؤول في الإذاعة حينها، كان صديقاً للعائلة، وطلبت منه أن تخضع لاختبار، ويروا بنتيجته إن كانت تصلح لذلك أم لا.

وتابعت: "قلت له أنا عاوزة أجرّب، اعملي اختبار وشوف لو هنفع.. ولما عملت الاختبار كان ساعتها أحمد يونس هو اللي في الراديو، وبالصدفة كان يونس مقرر ياخد فترة ميشتغلش فيها.. فأخدوني بسرعة مكانه... قالوا لي هو قدامه شهر وهيمشي فلازم يعلمك خلال الفترة دي عشان تبدئي على طول، فقعدت شهر بحاله جنب أحمد يونس بتفرج عليه ومكنش بيكلمني خالص... لحد ما في يوم قالي اقعدي على الميكسر أنا رايح مشوار ربع ساعة وجاي، وكان برنامج هوا قلت له إزاي لوحدي؟ قالي اشتغلي أنا ماشي... فطبّقت اللي شوفته بيعمله والدنيا مشيت".

وعن رأيها في أحمد يونس، قالت ناردين فرج: "بحترمه جداً وبعتز بيه... هو أول واحد علّمني إزاي أقعد على ميكسر وأشغّل المزيكا وأتكلّم وأحضّر إزاي للحلقة".