شكران مرتجى لزملائها: لا تكونوا تريند مجاني

الوقائع الإخبارية: دعت الممثلة السورية شكران مرتجى زملاءها الممثلين بعدم إعطاء رأيهم ببعض تجنبا للخلافات، وأن لا يكونوا تريند مجاني وفقا لتعبيرها.

وكتبت شكران على حسابها الخاص: "الأولاني بيسب التاني بيقوم التاني بيزعل وبيحكي عن الأخلاق وإنه مابيصير وطبعاً فانزات التاني مابيقصروا وبيصفقوله وأنه مو صح الكلام، بعد فتره التاني بيطلع بلقاء بيسأله الإعلامي، أفتاح قوس وحط مية إشارة إستفهام وتعجب ع كلمة إعلامي (البعض طبعاً)، بيسأله شو رأيك شو قال عنك الأولاني بيقوم بيسبه بيقوم الأولاني بيزعل وبيحكي عن الأخلاق وإنه مابيصير وإنه مارح يرد وفانزاته بيصفقوله وووو زملائي وزميلاتي خلونا صحاب ومو نحنا اللي بنقول رأينا ببعض في نقاد وجمهور، لاتكونوا ترند مجاني ببرامجهم لأشباه الإعلاميين، حاج حبوا بعض، بوست بلا سبب وأكيد مو قلة أدب ، بوست غير موجه وماله علاقه بأي لقاء جديد، ولكنها ظاهرة تستوقفني كل يوم وتحزنني، ومو بس عنا بكل مكان".