ريهام سعيد: سعيدة بمرضي

الوقائع الإخبارية: شاركت الإعلامية المصرية ريهام سعيد بثّاً مباشراً لها عبر صفحتها الرسمية في فيسبوك، وذلك في أول ظهور لها بعد إصابتها بفيروس كورونا.

وقالت ريهام: "مش عايزة أقولكم مبسوطة قد إيه بكمية الدعوات اللي دعيتوها لي. ومبسوطة قوي قوي إن أنا عييت ومبسوطة جدا إني عييت ومبسوطة جدا إني مريت بالتجربة دي. وقد إيه حسيت إن فيه ناس خايفة عليا وحسيت إن فيه ناس مش فارقة معاهم خالص. وأكيد كان فيه ناس عجيبة جدا وأنا في المستشفى وتعبانة ومش قادرة آخد نفسي. والأكسجين بينزل وانت حاسس إن لو الأكسجين فضل ينزل هتتحط على التنفس الصناعي وهتموت”.

وتحدثت ريهام سعيد عن أعراض كورونا التي أصابها "صداع فظيع ودماغك بتدق جامد قوي وحرارة عالية جدا. ومش عارف تتنفس وكلنا بنتنفس عادي ومش حاطين في دماغنا. إن دي نعمة رهيبة وأنا مش مصدقة إني باخد النفس وأطلعه”.

وأوضحت: "مفيش حاجة تقدر تعملها غير إنك تبص على الموبايل تتسلى”.

وتساءلت ريهام عن متابعة البعض لها وهم يكرهونها ويهاجمونها، مشيرة إلى أن البعض هاجموها عبر صفحتها أثناء مرضها.
وأضافت: "وشي ده كرتيزون مش فيلر وممكن بكرة أوريكم بطني. لو واحدة حامل في التاسع مش هتكون كده وأنا مش زعلانة ومش متضايقة خالص ومبسوطة”.

وتابعت "حاسة شكلي متغير وحاسة إن قلبي متغير وحاسة إني مش عايزة أغلط خالص عشان ربنا ميزعلش مني ولازم أختلس فرصة إني أكون كفرت عن ذنوبي”.

ونصحت ريهام المواطنين بأخذ اللقاح "مشكلتي مكانتش كورونا مشكلتي الرئة كان جزء كبير منها راح والتهب جدا. وكان ممكن أدخل على تليف والحمد لله إن ربنا شفاني وعفاني وإني رجعت لأولادي”.