رباع لـحسان : كملها يا دولة الرئيس واسمح للناس تضوي على حالها وتشرب ميه

الوقائع الاخبارية:- قال النائب رائد رباع موجها الحديث الى رئيس الوزراء بدي احكيلك اشي دولة الرئيس ترى انت اول رئيس الشعب الأردني من اول يوم اجيت فيه اتفاءل فيك وبلش حبهم بشكلك الجميل ما شاء الله ادق ع الخشب وبعدين حبو أداءك الميداني والقرارات الجريئة التي اخذتها وخففت على الناس فيها وخاصة في موضوع ترخيص السيارات وإعادة تسجيلها والسيارات الكهربائية والإعفاءات من الغرامات.

واضاف كملها يا دولة الرئيس كملها واسمح للناس تضوي على حالها وتشرب ميه خليهم يقولو اجانا واحد منا وفينا ومن نفس الطينة احنا وياه، مشيها يا دولة الرئيس وخليهم يدفعوا مية دينار للبلدية ويخذو عدم ممانعة بتركيب ساعة كهربا وساعة مي وهم أصلا مشمولين بقرار مجلس الوزراء 2018 ومعاملاتهم لسا بشتغلو عليها في الأراضي من هذاك اليوم .

واضاف احنا ترى في الرصيفة ما في محل نندفن فيه ابتدري عن الحكي هذا ولا لا ؟ من يوم ما سكرت المقبرة ما في مكان نندفن فيه استخسر فينا امين عمان قطعة الأرض الي أعطاها للرصيفة مشان نعمل مقبره نندفن فيها وسحبها بعدين وهسا احنا حاملين امواتنا مره على سحاب ومره ع الهاشمية ومره على شفا بدران ومره على الموقر.